<<Աշխարհի Մէջ 200 Միլիոն Քրիստոնեաներ Հարստահարուած Եւ Հալածանքներու Ենթարկուած Են
>> Կ՛ըսէ Գերապայծառ Մամպեթին։
Վատիկանի Արտգործ Նախարար Գերապայծառ Տոմէնիքօ Մամպերթին Լիթուանիյ Վիլինուս քաղաքի մէջ
գումարուած ԵԱՀԿԻ - Եւրոպայի անվտանգութեան եւ համագործակցութեան կազմակերպութեան -
ժողովի ընթացքին ունեցած իր ելոյթով ընդգծած է թէ այսօր կրօնական ազատութիւնը կը շարունակուի
ոտնակոխ ըլլալ եւ հաւանաբար աշխարհի մէջ կան աւելի քան 200 միլիոն քրիստոնեաներ` զանազան
հաւանանքներու պատկանող` որոնք ենթարկուած են հալածանքի եւ հարստահարուած։ Գերապայծառ
Մամպերթին անդրադարձաւ նաեւ գաղթականներու հարցին ու անոնց իրաւունքներուն` ինչպէս նաեւ
ապօրինի զինավաճարութեան։ Վատիկանի դիւանագէտը բարձր գնահատեց թմրեցուցիչներու վտանքի
դէմ պայքարի առնուած նախագիծերը ու թելադրեց Րոմ Եւ Սիմ թափառաշրջիկ ազգերու ապահովութիւնը`
մարդավաճարութեան դէմ պայաքրը` եւ ամէն մարդ էակի անհատական իրաւունքի պաշտպանութիւնը։
Գերապայծառ Մամպերթի ապա մէջբերեց Պենետիկտոս ԺԶ Քահանայապետի խաղաղութեան համաշխարհային
օրուայ պատգամը նշելով որ ներկայիս <<Քրիտոնեաները այն կրօնական խումբն են որ ամենաշատ
կը տարապի իրեն հաւատքի պատճառաւ>> ու այս ուղղութեամ մաղթեց միջազգային օրուայ մը հաստատումը
<<քրիտոնեաներու դէմ գործադրուած հալածանքներու եւ խտրականութեան դադրեցումի>> համար։